လူငယ်တွေအနေနဲ့ စိတ်ညစ်စရာတွေများပြီး စိတ်ဓာတ်ကျလာပြီဆိုရင် လုပ်သင့်တဲ့အရာများ

လူတိုင်းမှာ စိတ်ညစ်စရာ၊ စိတ်ရှုပ်စရာကိစ္စတွေဆိုတာ မကြာခဏဆိုသလိုရှိနေတတ်ပါတယ်။ ဒီလိုမျိုးတွေရှိလာခဲ့ပြီဆိုရင်လည်း အကောင်းဆုံးနည်းလမ်းနဲ့ ပြန်လည်ဖြေရှင်းတတ်ဖို့ကလည်း အရေးကြီးလွန်းပါတယ်။ စိတ်ညစ်စရာတွေဆိုတာ ခေါင်းထဲကြာကြာထည့်ထားလေ ကိုယ့်အတွက်နစ်နာမှုတွေ ပိုများလာလေဖြစ်တာကြောင့် စိတ်ညစ်စရာတွေရှိနေတဲ့ လူငယ်တွေအတွက်ဖြေရှင်းရမယ့် နည်းလမ်းကောင်းလေးတွေကို ဖော်ပြပေးလိုက်ပါတယ်။

(1) မနက်စောစောထပါ

စောစောမထတတ်တဲ့သူတစ်ယောက်ဆိုရင်လည်း စောစောထနိုင်အောင် ကြိုးစားပါ။ မနက်ပိုင်းစောစောအိပ်ရာထတာက စိတ်ကိုကြည်လင်လန်းဆန်းစေပြီး ဖိစီးနေတဲ့စိတ်တွေကိုလည်း လျော့နည်းသွားစေမှာပါ။ မနက်ပိုင်းမှာ စောစောထလေ့ကျင့်ခန်းလေးလုပ်ပြီး စိတ်ညစ်စရာကိစ္စတွေကို မေ့နိုင်သလောက်မေ့ထားလိုက်ပါ။

(2) မကောင်းတဲ့ Relationship တစ်ခုနေရုန်းထွက်လိုက်ပါ

Relationship ဆိုတာအချစ်ရေးတစ်ခုထဲကို ဆိုလိုတာမျိုးမဟုတ်ပါဘူး။ သူငယ်ချင်းတွေကလည်း ပါဝင်နေတာဆိုတော့ ကိုယ့်အတွက်အရမ်းကို စိတ်ရှုပ်စရာကောင်းနေမယ်၊ ကိုယ့်ကိုမကောင်းကြံနေတာမျိုးတွေ ရှိနေမယ်ဆိုရင်တော့ လက်လွှတ်လိုက်တာက အကောင်းဆုံးပဲဖြစ်ပါတယ်နော်။

(3) ကျန်းမာရေးနဲ့ကိုက်ညီတာမျိုးတွေကိုစားပေးပါ

စိတ်ညစ်နေတဲ့အချိန်မှာ အစားများများစားပေးတာက စိတ်ညစ်စရာတွေကိုပျောက်ကင်းစေနိုင်တယ်လို့လည်း သိရပါတယ်။ များများစားမယ်ဆိုရင်လည်း ကျန်းမာရေးနဲ့ညီညွတ်တဲ့အစားစာမျိုးတွေကို ရွေးချယ်ပြီးစားသုံးနိုင်မှအဆင်ပြေမှာပါနော်။ စိတ်ညစ်စရာတွေရှိလာခဲ့ရင် သူငယ်ချင်းတွေစုပြီး အိမ်မှာပဲမုန့်တွေလုပ်စားတာမျိုးကလည်း စိတ်ညစ်စရာတွေကို လျော့နည်းသွားစေမှာပဲဖြစ်ပါတယ်။

(3) စာအုပ်တွေဖတ်ပေးပါ

စိတ်တွေညစ်ပြီး ဘာမှလုပ်စရာမရှိတဲ့အချိန်မှာ စိတ်ဝင်စားစရာကောင်းမယ့် စာအုပ်လေးတစ်အုပ်ကို အေးဆေးတဲ့နေရာလေးမှာ ထိုင်ပြီးတော့ဖတ်နေလိုက်မယ်ဆိုရင် စိတ်ညစ်စရာတွေကို လျော့နည်းသွားစေမှာပါ။

Credit : My Style Myanmar

You may also like...