ပြီးပြည့်စုံတဲ့ မိတ်ကပ်လိမ်းပုံအဆင့်ဆင့်

မင်္ဂလာပါ ပျိုမေတို့ရေ။ ဒီတခါမှာတော့ မိတ်ကပ်ကိုစိတ်ဝင်စားတဲ့သူတွေအတွက် ပြီးပြည့်စုံတဲ့ မိတ်ကပ်တစ်ခုကို ဘယ်လိုလိမ်းချယ်ရမလဲဆိုတာ မျှဝေပေးချင်ပါတယ်။

မိတ်ကပ်မလိမ်းခင်

အဆင့် ၁ – မျက်နှာသစ်မယ်

အရင်ဆုံး မျက်နှာသစ်လိုက်ပါ။ မျက်နှာက သန့်နေဖို့လိုပါတယ်နော်။ အရင်ဆုံး မျက်နှာကို သေချာလေး သစ်ပေးလိုက်ပါ။

အဆင့် ၂ – တိုနာသုံးမယ်

မျက်နှာသစ်ပြီးရင် မျက်နှာကို တိုနာလေးနဲ့ လိမ်းပေးလိုက်ပါ။ အဆီပြန်တဲ့အသားအရေ (သို့) ဝက်ခြံရှိတဲ့အသားအရေအတွက် လိုအပ်ပါတယ်။

အဆင့် ၃- Moisturizer သုံးမယ်

မိတ်ကပ်လိမ်းမယ့်သူတိုင် ဒီအဆင့်ကို မကျော်သင့်ပါဘူး။ သင်အမြဲသုံးနေကျ Moisturizer ကို မိတ်ကပ်မလိမ်းခင် မိနစ် အနည်းငယ်အလိုမှာ လိမ်းထားပေးလိုက်ပါ။ အသားအရေကို ချောမွေ့စေပြီး စိုပြေစေမှာပါ။

အဆင့် ၄- Sunscreen လိမ်းမယ်

သင့်အသားအရေကို အမြဲတမ်း နုပျိုစေချင်ရင် ဒီအဆင့်ကိုလည်း မမေ့သင့်ပါဘူး။ Sunscreen က အသားအရေ အိုမင်းရင့်ရော်ခြင်းကို တားဆီးပေးနိုင်သလို UV ကြောင့် အသားအရေ ပျက်စီးခြင်းကို ကာကွယ်ပေးပါတယ်။ ဒါပေမယ့် Moisturizer မှာ UV ပါပြီးသားဆို မသုံးလည်းရပါတယ်။

မိတ်ကပ်စလိမ်းမယ်

အဆင့် ၁ – Primer လိမ်းပါ

မိတ်ကပ်ပစ္စည်းရောင်းတဲ့ဆိုင်မှာ Primer လို့မေးလိုက်ရင်သိပါတယ်နော်။ အဓိကအားဖြင့်တော့ အသားအရေ အဆီပြန်တဲ့သူတွေ သုံးကြပါတယ်။ မိတ်ကပ်ကို တာရှည်ခံဖို့နဲ့ မိတ်ကပ်သားတက်ဖို့ လိမ်းကြပါတယ်။

အဆင့် ၂ – ဖောင်ဒေးရှင်းလိမ်းမယ်

သင့်အသားအရေနဲ့ သင့်တော်တဲ့ ဖောင်ဒေးရှင်းကို Brush (သို့) ဖော့နဲ့သုံးပြီးလိမ်းနိုင်ပါတယ်။ လက်နဲ့ ပွတ်မလိမ်းပါနဲ့။ သင့်ရဲ့ မေးရိုး၊ ပါး၊ လည်ပင်းကိုလည်း သေချာလေး Blend လုပ်ပြီးလိမ်းပေးပါ။

အဆင့် ၃ – Concealer သုံးမယ်

မျက်ကွင်းညိုသူတွေ၊ မျက်နှာမှာ အမာရွတ်နည်းနည်းရှိသူတွေ၊ ဝက်ခြံမည်းနေသူတွေ ဒါမှမဟုတ် မိမိမျက်နှာက အပြစ်အနာဆာတစ်ခုခုကို ဖုံးချင်တဲ့သူတွေ သုံးကြပါတယ်။ ကိုယ်က မျက်ကွင်းမညိုဘူး ဘာမှမဖြစ်ဘူးဆိုရင် မသုံးလည်းရပါတယ်နော်။ မျက်ကွင်းအောက်၊ ဝက်ခြံပေါ်မှာ လိမ်းပေးပြီး သေချာ Blend လုပ်ပေးလိုက်ပါ။

အဆင့် ၄ – Contour သုံးမယ်

ပါးရိုးချတယ်လို့ အများအားဖြင့်ခေါ်လေ့ရှိပါတယ်။ ဒီအဆင့်မှာတော့ Contour Gel (သို့) အခဲသုံးပေးပါ။ နှုတ်ခမ်းနှစ်ဖက်ကိုစုလိုက်ပြီး ချိုင့်သွားနဲ့နေရာတလျှောက်နဲ့ ပါးအောက်နားကို လိမ်းပေးပါ။ ပြီးရင် Blend လုပ်လိုက်ပါ။

အဆင့် ၅ -ပေါင်ဒါလိမ်းမယ်

ပေါင်ဒါမှုန့်သုံးပါ။ 2 ways မသုံးစေချင်ပါဘူး။ ပေါင်ဒါမှုန့်က အသားကိုလည်း သိပ်သိပ်လေးဖြစ်စေပြီး ပိုပြီးလှစေပါတယ်။

အဆင့် ၆ – မျက်လုံး ချယ်မယ်

အချိန်မရှိတဲ့သူကတော့ ဒီအဆင့်ကို ကျော်နိုင်ပါတယ်။ မျက်လုံးကို Eyeshadow ချယ်ပြီး လိုင်နာဆိုးပေးရမှာပါ။ မျက်တောင်အတုလည်းတပ်နိုင်ပါတယ်။ ဒါပေမယ့် ထသွားထလာဆိုရင်တော့ မတပ်ပါနဲ့။

အဆင့် ၇ – မျက်ခုံးမွှေးဆွဲမယ်

မျက်ခုံးမွှေးကတော့ အားလုံးဆိုးသင့်ပါတယ်။ မျက်ခုံးဆွဲတံကို ချွန်ချွန်လေးထားထားပါ။

အဆင့် ၈ – ပါးနီလိမ်းမယ်

ပါးနီကြိုက်သူတွေကတော့ ပါးနီပါးပါးလေးထည့်မယ်။ ပါးရိုးထပ်ချချင်သူတွေ ၊ မျက်နှာပြောင်ပြောင်လေးကြိုက်တဲ့သူတွေလည်း Highlighter နဲ့ Contour ကို ခပ်ပါးပါးလေး လိမ်းပေးနိုင်ပါတယ်။

အဆင့် ၉- နှုတ်ခမ်းနီဆိုးမယ်

အားလုံးပြီးပြီဆိုတော့ နှုတ်ခမ်းနီလေးဆိုးလိုက်မယ်နော်။  မိမိကြိုက်နှစ်သက်တဲ့ နှုတ်ခမ်းနီကို ဆိုးပေးနိုင်ပါတယ်။

Cr : Mystylemyanmar

You may also like...